Sarah Honoré

NEPLI NU LAKAZ

premie ekspo solo • galerie imaaya, phoenix • moris

27 zin - 25 ziliet 2026

rezerv mo plas · mark mo prezans ▶ ekut NU LAKAZ

sa ekspozision la pran nesans dan enn sante ki apel "nu lakaz". sa sante la dekrir sinpleman enn peizaz dan enn vilaz ki pena non, kot limanite finn disparet, kot lisien pe kontign lager ek kot soley finn vinn lerwa. dan sa zistwar ki derul apre limanite, res ankor bann tras so lafwa. enn lafwa ki’nn pran plas pu ranpli sa dut imans ki’nn manz tu dimunn ziska lafin. galerie imaaya pe akey sa sante la sou form enn dekor ki les otan plas a limazinasion ki sante ki’nn inspir li. dan sa lespas la, kot lamor finn anrasine… lavi pu pran plas pandan 1 mwa. lamizik, performans, sesion tatwaz, esanz artistik, latelie, riye, koze, kas enn poz, pa fer nanie.

← mōris events enn kestion? watsap nu → ↗ partaze